Lur honetako sagardoa, sagar mota ezberdinen arteko nahasketatik abiatuta egiten den Sagardo Naturala da. Gipuzkoako Sagardo Naturalak XX. mendean izan zuen bere momenturik hoberena, 30ko hamarkadan, etxe eta baserritan edaten zen edari bakarra bait zen. Baserri gehienetan, bertan egiten zuten urte osoan zehar edaten zuten sagardo guztia. Gaur egun, Euskal Herri osoko eta kanpoko jende ugarik sagardotegietara joateko ohitura handia dute, bertan Sagardo Naturala zuzenean kupeletatik edateko asmoz.